చౌటుప్పల్ ఆర్టీసీ బస్టాండ్ లో 14 కిలోల గంజాయి పట్టివేత

BALU TV: యాదాద్రి భువనగిరి జిల్లా చౌటుప్పల్ మున్సిపల్ పట్టణ పరిధిలో చౌటుప్పల్ ఆర్టీసీ బస్టాండ్‌లో పోలీసులు గంజాయి రవాణా చేస్తున్న ముగ్గురు నిందితులను పట్టుకున్నారు. రాత్రి 7.30 గంటలకు విశ్వసనీయ సమాచారం ఆధారంగా, చౌటుప్పల్ పోలీసులు బస్టాండ్‌లో అనుమానాస్పదంగా ఉన్న ముగ్గురు వ్యక్తుల సంచులను తనిఖీ చేశారు. పోలీస్ సిబ్బందితో కలిసి ఈ ముగ్గురు వ్యక్తులను పట్టుకున్నారు. వారి చేతిలో ఉన్న సంచిని పరిశీలించిన పోలీసులు 14 కిలోల గంజాయి స్వాధీనం చేసుకున్నారు. గంజాయి రవాణా చేస్తున్న నిందితులు – 1. చెల్లూరి నాగవెంకట కృష్ణవేణి (దేవి శ్రీదేవి), 2. అడ్డూరి ప్రసాద్ మరియు 3. ఆంధ్ర ప్రదేశ్ రాష్ట్రం, అనకాపల్లి జిల్లా నివాసి కిమిడి ప్రశాంత్ – తమ అక్రమ కార్యకలాపాలను అంగీకరించారు. వారు గంజాయిని 2 కిలోల చొప్పున ప్యాక్ చేసి, NDPS చట్టం ప్రకారం కొనుగోలు చేసి వివిధ ప్రాంతాలకు విక్రయించడానికి తీసుకెళ్లే పనిలో ఉన్నట్లు తెలిపారు. పట్టుబడిన నిందితులు, విశాఖపట్నం జిల్లా నుండి గంజాయిని కొనుగోలు చేసి, హైదరాబాద్‌లోని త్రిభువన్ గోపాల్ రేవార్‌కు విక్రయించడానికి పంపించాలని వారు పేర్కొన్నారు. ఈ కేసులో 14 కిలోల గంజాయి, 3 మొబైల్ ఫోన్లు స్వాధీనం చేసుకున్నారు. పోలీసులు ఈ అక్రమ గంజాయి రవాణాపై కేసు నమోదు చేసి, NDPS చట్టం కింద 869/2024 కేసు నమోదు చేసి విచారణ చేపట్టారు.